Eg er vinden er klar til å kasta loss og me inviterer til presseframsyning

EG ER VINDEN

Å gje ein stemme til det som ikkje kan seiast

Jon Fosse er poet, omsetjar og dramatikar og fekk som den fjerde nordmannen nokosinne, Nobelprisen i litteratur «for hans nyskapende dramatikk og prosa som gir stemme til det usigelige»

Det er fyrste gong sidan 2008 at Rogaland Teater set opp Fosse. Når me no endeleg gjer Fosse igjen, er det med eit imponerande kunstnarisk team, som vil ta oss med på ein seglas frå Intimscenen og ut på dei store eksistensielle djupa, gjennom den fellesskapen det er å kunna dela kunst, for å seia det med Fosse.

Eg er vinden er ei poetisk førestilling om livet og døden, om kor vanskeleg det er å snakke med kvarandre, og om kor avgrensa språket er når livet blir utfordrande.

I stykket møter me to karakterar: Den eine og Den andre, spilt av Kim Fairchild og Ingrid Unnur Giæver. Den eine har teke eit val som er vanskeleg for Den andre å forstå. Korleis forklare for nokon nær deg at du ikkje orkar å leve lenger? Korleis setje ord på noko du ikkje eingong klarer å forklare for deg sjølv?

Det blir eit mysterium dei prøver å snakke om – nøste opp i. Men språket strekk ikkje til, og me blir vitne til kor vanskeleg det er å snakke om det som er aller vanskelegast.

Og enn så einsamt det kan kjennast å prøva å nå kvarandre, er det kanskje gjennom forsøket at me opplever ein fellesskap og ein tryggleik. Slik Fosse sjølv sa i Nobelforedraget sitt:

«Det som greip meg då eg for første gong såg noko eg hadde skrive framført på ein scene, ja det var nettopp det motsette av einsemd, det var fellesskap, ja å skapa kunst gjennom å dela kunst – og det gav meg ein stor glad tryggleik.»

Me inviterer til presseframvising tysdag 12. november kl 11:30 på Intimscenen
Premiere 20. november kl 19:00.

Folkene bak:

Av Jon Fosse

Regissør Victoria Meirik

Scenograf og kostymedesigner Anette Werenskiold

Lysdesign Agnethe Tellefsen
Komponist Ingvild Langgård

Dramaturg Matilde Holdhus
Maskør Mio Eyfjord

Medvirkende
Den eine Kim Fairchild
Den andre Ingrid Unnur Giæver

Forlag Colombine